Kryeministri Edi Rama ka mbledhur drejtuesit e katër qarqeve të veriut në selinë e PS-së.
Burime nga PS thanë se kryeministri Rama tha në mbledhje se vëmendja kryesore duhet të jetë në konstituimin e këshillave të qarqeve. Në bashkitë e djathta, ai ka kërkuar të mos bëhet asnjë shkarkim i pajustifikuar në administratë. “Kujdes me shkarkimet dhe emërimet”, mësohet të jetë shprehur kreu i qeverisë.
Dje, kryeministri Rama vendosi të jetë koordinator politik i veriut të Shqipërisë, konkretisht për qarqet Shkodër, Kukës, Lezhë, Dibër.
Dy figura të tjera të socialistëve kanë marrë në patronazh disa qarqe të tjera. Kështu Taulant Balla është përgjegjës për Tiranën, Elbasanin, Durrësin e Korçën, kurse Gramoz Ruçi, qarqet Vlorë, Fier, Berat e Gjirokastër.
