Gjykata e Apelit për Krime të Rënda shtyu sërish procesin ndaj Emiljano Shullazit dhe katër të pandehurve të tjerë. Shkak u bë mungesa e mbrojtësve kryesisht.
Gjatë seancës, i pandehuri Gilmando Dani, kundërshtoi caktimin e gjyqtarit Arben Vrioni për çështjen.
Dani i kërkoi të jepte dorëheqjen duke argumentuar ka gjykuar Vollgën në Apelin e Durrësit.
“I nderuar nuk mund të lahesh me dosjen tonë, sepse je shumë pis. Ta bëjë vetë dorëheqjen, pa dalë gjë“, tha Dani.
Ndërkohë seanca e radhës do të zhvillohet në 26 korrik, ku do të thirren edhe avokatët e zgjedhur të të pandehurve.
Kjo e sotmja, është e dista seancë që shtyhet nga Gjykata.
Në nëntor 2018, Gjykata e Krimeve të Rënda dha vendimin për pjesëtarët e bandës, duke i dënuar në total me 55 vite burg (Emiljano Shullazi 14 vjet burg; Gilmando Dani 12 vjet; Endri Qyqa 10 vjet; Endri Zela 10 vjet; Blerim Shullazi 9 vjet burg). Mbrojtja apeloi vendimin dhe çështja ka kaluar tanimë në Apel. /BN/
