Pritet që sot të ndërhyjë INUK e mbështetur nga policia e FNSH të nisë prishjen e banesave te “Unazën e Re” në Tiranë.
Por banorët e Astrit, gjithmonë e kanë kundërshtuar këtë vendim. Së fundmi ata i janë kundërpërgjigjur duke i shkuar kryeministrit Edi Rama te banesa e tij në Surrel. Me thirrjet “Rama ik”, dhe “O laper” shfaqet një qytetar i cili në shenjë revolte qëndron në kodrën sipër banesës së kreut të Qeverisë.
Për muaj të tërë banorët e Astirit kanë protestuar, janë arrestuar dhe kundërshtojnë me forcë këtë projekt. Sipas tyre ai është një projekt koruptiv për interesa të Erion Veliajt. Numri i banesave të prekura nga projeti është shumë i madh, janë deklaruar se janë rreth 340 prona të prekura.
Për banorët që nuk kanë dokomentacionin përkatës nga shteti është paralajmëruar se nuk do të ketë dëmshpërblime.
