Një ngjarje e rëndë ka ndodhur pasditen e sotme, ku një vajzë 25-vjeçare nga Lushnja, ka humbur jetën ndërsa vizitonte kanionin e Holtës në Gramsh, gjithashtu dhe 3 persona të tjerë u zhdukën.
Pas shumë orësh kërkime policia arriti të nxjerrë nga kanioni trupin pajetë të 25-vjeçares Nertila Sallaku, dhe të tre personave që u deklaruan të humbur fillimisht të cilët ishin pjesëtarë të të njëjtës familje, Denis Sallaku vëllai, Dritan Sallaku babai, dhe mamaja e vajzës e cila ëhstë dërguar me urgjencë në spitalin e Gramshit.
Policia ka dhënë detaje mbi tragjedinë në kanionin e Holtës në Gramsh ku humbi jetën pasditen e së dielës një vajzë e re 25-vjeçare. Sipas një njoftimi të uniformave blu thuhet se personat që kishin humbur kontaktet në kanionet e Gramshit janë gjetur të gjithë nga policia dhe zjarrfikësit.
Njoftimi i policisë:
Në dalje të kanionit një vajzë rreth 25 vjeçe nga Lushnja është gjetur e pajetë si pasojë e rrëmbimit nga rryma e fuqishme e ujit, ndërsa dy të tjerë nuk kanë probleme për jetën. Edhe personat e tjerë që u gjetën më parë nga policia nuk kane probleme për shëndetin. Në operacionin e kërkim-shpëtimit është përfshirë edhe RENEA me polumbarët e saj. Vijon krehja e zonës së kanioneve për tu siguruar që s’ka persona të tjerë që mund të kenë nevojë për ndihmë.
25-vjeçarja e identifikuar si Nertila Sallaku ka qenë pjesë e një grupi turistësh shqiptarë prej 15 personash. Nuk dihen rrethanat se si grupi është ndarë. Policia u njoftua nga një telefonatë dhe fillimisht ka shpëtuar 4 fëmijë që ndodheshin në një zonë të rrezikshme. Më pas u gjetën edhe 3 persona të tjerë të mbetur në brendësi të kanionit. Drejtori i Emergjencave Civile, Haki Çako tha se shkak është bërë rritja e menjëhershme e nivelit të ujit. Më poshtë një video e siguruar nga lapsi.al e turistëve të sotëm në kanionet e Holtës.
