Një elektricist i OSHEE-së në Vlorë ka humbur jetën mbrëmjen e sotme, për shkak se ka rënë kontakt me energjinë elektrike.
Sipas policisë, 56-vjeçari P.H, ka rënë në kontakt me energjinë elektrike gjatë kohës që ka qenë duke punuar dhe ka humbur menjëherë jetën.
Ja informacioni i policisë:
Informacion paraprak
Rreth orës 18:50, në lagjen “Kushtrimi” shtetasi P. H., 56 vjeç (Punonjës i OSHEE Vlorë) duke punuar privatisht në një banesë, ka rënë në kontakt me rrymën elektrike ku si pasojë ka humbur jetën.
Grupi hetimor po kryen veprimet e mëtejshme hetimore për sqarimin e rrethanave të ngjarjes.
