Policia e kavajës ka arrestuar një person në flagrancë teksa ka tentuar që të largohet nga banesa e cila kishte shkuar për të vjedhur, por ishte pikasur nga zonja e shtëpisë.
Ajo ka lajmëruar menjëherë policinë të cilët bënë të mundur arrestimin e 56-vjeçarit Xh. Ç.
Kavajë,Tiranë
Tenton të vjedhë në banesën e një shtetase, arrestohet në flagrancë nga Policia, gjatë tentativës për tu larguar.
Specialistët e Seksionit për Hetimin e Krimit në Komisariatin e Policisë Kavajë, arrestuan në flagrancë shtetasin: XH. Ç.,56 vjeç, banues në Kavajë (i dënuar më parë për vjedhje).
Ky shtetas, në orët e para të mëngjesit të sotëm, ka tentuar të vjedhë banesën shtetases H. K.,banuese në Kavajë, por është konstatuar nga e zonja e banesës, e cila ka njoftuar menjëherë policinë.
Falë reagimit të menjëhershem të forcave policore pas marrjes se njoftimit, u bë e mundur kapja dhe arrestimi në flagrancë në tentativë për tu larguar me biçikletë e shtetasit XH. Ç, pranë banesës në të cilën kishte hyrë për të vjedhur.
Materialet për veprime të mëtejshme i kaluan Prokurorisë Pranë Gjykatës së Shkallës së Parë Kavajë për veprat penale “Vjedhja” e mbetur në tentativë.
