Ditën e sotme është liruar nga burgu pas 20-vjetësh Nehat Kulla i njohur ndryshe me emrin ‘Gjenerali’. Kulla u dënua në vitin 1999 pasi akuzohej për vrasjen e Halim Gjuzit shoferit të Halit Shamatës, ish-ministër i Brendshëm i Shqipërisë gjatë periudhës 1 korrik 1996 – 1 mars 1997.
Kulla u arrestua në vitin 1999 dhe u dënua me burg për vrasjen e kryer. Ndërkohë që sot para shtëpisë së tij janë mbledhur me dhjetëra miq dhe të njohur të cilët janë në prite të mbërritjes së Kulëls.
Siç shihet edhe nga foto e publikuar nga Boldnews.al, janë me dhjetëra persona në radhë që po presin të takohen me Kullën.
Ngjarja për të cilën akuzohet Kulla:
Nehat Kulla është arrestuar për një vrasje të ndodhur më 23 korrik 1998. Ngjarja ka ndodhur në autostradë në afërsi të Golemit. Referuar dosjes së akuzës Halim Gjuzi ka qenë duke udhëtuar në një automjet bashkë me familjen e tij.
Dëshmitarët kanë pohuar se Halim Gjuzi është qëlluar me armë zjarri në prani të familjes së tij, ku bënin pjesë edhe dy fëmijët. Gjuzi ishte duke udhëtuar drejt qytetit të Durrësit i shoqëruar edhe nga dy miq të tij italianë.
Policia në raportin e saj për ngjarjen e 20 viteve më parë ka shënuar se autori i krimit ndodhej në një ‘Shevrolet’ me targa ushtarake shtetërore.
