Policia e Tiranës ka njoftuar se dy persona janë arrestuar pasi ishin futur në shtëpinë e shtetasit M.M 29 vjeç dhe i kishin marrë me dhunë orën dhe celularin.
Pasi ka bërë denoncimin në polici, uniformat blu kanë vepruar menjëherë duke bërë të mundur neutralizimin e dy personave të dyshuar ku është sekuestruar ora dhe aparati celular.
Njoftimi i Policisë:
Tiranë
Shërbimet e Komisariatit të Policisë Nr 1, falë reagimit të shpejtë dhe profesional vunë në praga dy autorët e dyshuar të vjedhjes me dhunë të 29 vjeçarit.
Specialistët e Seksionit për Hetimin e Krimit në Komisariatin e Policisë Nr 1, pas kallzimit të marrë nga shtetasi M.M, se dy persona i kishin hyrë në banesë dhe nëpërmjet dhunës i kishin marrë orën dhe celularin, kanë organizuar punën për identifikimin dhe kapjen e autorëve.
Falë veprimeve të shpejta dhe në bazë të infoiramcioneve të marra në rrugë operative brenda një kohe të shkurtër u bë e mundir identifikimi, kapja dhe arrstimi i autorëve të dyshuar, konkretisht:
- K.A., 26 vjeç, banues në Tiranë, i dënuar më parë për veprën penale “Vjedhja”.
- XH.F., 28 vjeç banues në Tiranë, i dënuar më parë për veprat penale “Vjedhja” dhe “Prodhimi dhe shitja e narkotikëve”
Gjatë kontrollit Policia gjeti dhe sekuestroi në cilësinë e provës materiale orën dhe aparatin celular që këta shtetas i kishin marrë me dhunë shtetasit M.M
Materialet i kaluan Prokurorisë Pranë Gjykatës së Shkallës së Parë Tiranë për veprën penale “Vjedhja me dhunë” kryer në bashkëpunim, në ngarkim të K. A dhe XH. F