Griezmann ka premtuar se do të japë maksimumin me fanellën e Barcelonës.
Tashmë është gjithçka e kryer. Barcelona ka paguar klauzolën prej 120 milionëve eurove dhe ka zyrtarizuar transferimin e sulmuesit francez, Antoine Griezmann.
Për dikë treni vjen vetëm njëherë në jetë, por Griezmann thotë se gjithmonë e ka ditur se ndodh e kundërta, i cili e refuzoi zyrtarisht Barcelonën në verën e vitit 2018.
Derisa Atletico Madrid po ankohet se Barça duhet të paguajë 200 milionë euro, e jo 120, për shkak se kanë arritur marrëveshje me lojtarin kur klauzola ka qenë 200 milionë – Griezmann është i lumtur që ‘treni ka ardhur’ sërish për të.
“Babai më ka mësuar si fëmijë se treni nuk kalon vetëm njëherë. Tani është koha për t’u përballë me sfidën e re. Më në fund, po na takojnë rrugët. Do t’i mbroj ngjyrat e Barçës me gjithë përkushtimin dhe vendosmërinë time. Është koha jonë, kjo është rruga jonë”, ishin fjalët e Griezmann në një video të publikuar në faqen e Barcelonës.
28-vjeçari u largua nga Atletico Madridi pas 5 sezoneve ku bëri 257 paraqitje dhe shënoi 133 gola.
✌️ Life is all about second chances. pic.twitter.com/5ArFiaP2ht
— FC Barcelona (@FCBarcelona) July 12, 2019
