“Duhet të theksojmë se dita e premte dhe deri në pasditen e së shtunës, gjithë territori shqiptar do të qëndrojë në ndikimin e temperatuave të ulta por me diell. Ndërkohë, pasditen e së shtunës do të rikthehen reshjet e shiut duke sjellë një situatë të ngjashme me atë të ditës së martë dhe të mërkurë. Reshjet e shiut në fakt do të jenë afatshkurtra e të përkohëshme si edhe jo në të gjithë territorin shqiptar, por kryesisht në zonat malore dhe jugore,” kështu u shpreh metereologia Tanja Porja.
Ajo gjithashtu theksoi se në fakt temperaturat e ulta do të zgjasin deri nga data 18 korrik ndërkohë që një valë e të nxehtit afrikan do të rikthehet në të gjithë territorin pas datës 20 korrik.
