Para pak minutash ka përfunduar mbledhja e kreut të PD-së, Lulzim Basha me krerët e bashkive të djathta.
Në mbledhjen e zhvilluar në selinë blu mësohet se në qendër të diskutimit ka qenë vijueshmëria e aksionit opozitar.
Burime nga PD-ja tregojnë se ky është një takim konsultativ, që vjen në vazhdën e takimeve të z.Basha në rrethe.
“Basha do diskutojë gjerësisht axhendën e opozitës, ndërsa të premten pritet të mbledhë Kryesinë dhe ish-grupin parlamentar”, thanë të njëjtat burime.
Ndërkohë, po ashtu bëhet me dije se opozita do vijojë protestat, pasi tashmë është shtuar edhe mosnjohja e zgjedhjeve të 30 qershorit.
