Mëngjesin e sotëm në Gjykatën e Apelit të Shkodrës nisi seanca ndaj Bardh Spahisë, ish- deputetit por u ndërpre menjëherë. Shkak është bërë mungesa e Spahisë në seancën gjyqësore. Mësohet se seanca është ndërprerë pasi kërkohet informacion nga Policia e Tiranës, pse ai sot nuk është i pranishëm.
Të pranishëm në seancë ishin përveç trupës gjykuese, avokatët mbrojtës Ivi Kaso dhe Ledio Nuraj, prokurir Besim Ndragjoshi dhe relatore Marina Rrabashta. Mësohet se Spahia nuk ka qenë i pranishëm në seancë pasi askush nga policia nuk ka shkuar në banesën e tij për ta shoqëruar drejt Shkodrës. Spahia ndodhet në “arrest shtëpie” pas vendimit të gjykatës së Shkallës së Parë Shkodër.
