Dita e dytë e intervistimit të kandidatëve për të qenë anëtarë të SPAK ka nis me shtyrjen e një prej seancave. Prokurori Behar Dibra i planifikuar për tu pyetur, nuk është paraqirtur para KLP-së, duke dorëzuar një shkresë ku njoftonte pamundësinë e mospjesëmarrjes pasi ishte në një proces gjyqësor.
Ai ka kërkuar nga KLP që t’i caktohet një datë tjetër për të dhënë intervistën për vlerësimin e tij për Strukturën e Posaçme Anti-korrupsion (SPAK). Ne pyetje eshte marre edhe prokurori Besim Hajdarmataj.
Katër kandidatët e parë për SPAK-un që u morën dje në pyetje ishin Altin Dumani, Anita Jella, Anton Martini dhe Arben Kraja.
Kreu i KLP-së, Gent Ibrahimi tha për gazetarët në fund të procesit dje, se të gjitha intervistat janë regjistruar me audio dhe me video, por nuk do të bëhen publike.
Sipas tij, regjistrimet e intervistave janë pjesë e procesit administrativ që do të përdoren në rastet kur kandidatët apelojnë vendimin e Këshillit të Lartë të Prokurorisë.
Ibrahimi shpjegoi se zhvillimi i intervistave me dyer të mbyllura ishte një mundësi e mirë për kandidatët për SPAK që të japim maksimumin dhe të mos ndikohen nga emocionet e zhvillimit të intervistës publikisht.
