Burime nga opozita bëjnë me dije se nga 11 qarqet e vendit janë duke ardhur për protestë rreth 70 mijë protestues.
Burime nga PD bëjnë të ditur se në këtë tubim nuk janë llogaritur protestuesit e Qarkut të Tiranës që pritet të jene të shumtë në numër.
Pjesëmarrja sipas PD: Kukësi – 4600 protestues; Shkodra – 10000 protestues; Dibra – 5500 protestues; Lezha -7800 protestues; Vlora – 5800 protestues; Fier – 6500 protestues; Gjirokastra – 2800 protestues; Berati – 3000 protestues; Durrësi – 10 000 protestues; Elbasani – 8 600 protestues; Korça – 5 600 protestues.
Opozita zhvillon këtë të hënë protestën e 10 kombëtare që prej muajit shkurt. Opozita kërkon largimin e Edi Ramës nga posti i kryeministrit dhe krijimin e një qeverie tranzitore për të garantuar zgjedhje të lira e të ndershme. Kryetari i opozitës Lulzim Basha e ka cilësuar Ramës “përdhunuesin serial të zgjedhjeje” dhe sipas tij, me Ramën në qeveri, nuk mund të ketë zgjedhje.
