Deputeti Lefter Maliqi artikuloi akuza ndaj Edi Ramës, të cilin e quajti kryeministër të pakicës, referuar rezultatit të votimeve të 30 qershorit.
Nga foltorja e Kuvendit, Maliqi tha se Rama i bëri Metës një gjyq politik. Një thirrje e bëri edhe për opozitën: të zhvillojë revolte demokratike dhe jo protesta 2-3 orëshe.
Për kolegët e të ashtuquajtur “opozita e re”, apeloi të mos e votojë ngritjen e komisionit hetimor ndaj Presidentit Ilir Meta.
“Sot foli me ëndrrën për diktator dhe i bën gjyqin presidentit dhe s’ka më skandal kur ju të gjithë këtu të mazhorancës i bëni gjyqin një njeriu që iu ka prurë në pushtet. I lutesh me ngjala edhe me takime natën bashkë me Koçon që e hoqi. S’ka gjë më të keqe se mosmirënjohja. Këta ja dinë frikën e dinë se opozita e bashkuar këta i nxjerr në minorancë dhe shikojnë ëndrra të bashkimit (të Metës) me të me Partinë Demokratike. Shikoni kush do e drejtojë komisionin, Ulsiu që është nën hetim nga përgjigjet e BILD. Opozita të ngrihet jo me protesta 2-3 orë, por me revolte demokratike deri në rrëzimin e Ramës. Është turp kush qeverisë”, deklaroi Maliqi.
