Një përleshje mes dy personave ka ndodhur dje në Drenas.
Policia ka njoftuar se pas informacionit për të shtëna me armë zjarri kanë arritur në vendin e ngjarjes ku është konstatuar një rrahje mes dy personave të dyshuar.
Në vendin e ngjarjes policia ka njoftuar se është gjetur dhe konfiskuar një revole me gaz me një karikator të zbrazët.
Sipas policisë, në vendin e ngjarjes nuk janë gjetur gëzhoja të cilat do të përdoreshin si dëshmi për gjuajtje me armë.
Njësitet policore janë duke e hetuar rastin, përderisa nuk raportohet për personat të lënduar.
