Opozita do të jetë e detyruar mbrëmjen e sotme të qëndrojë vetëm dy orë në bulevard për protestën e paralajmëruar, ndonëse është shprehur se do të qëndrojë aty deri në mesnatë.
Bëhet me dije se kërkesa e opozitës për të qëndruar deri në mesnatë është refuzuar.
Asaj i është bërë e ditur që duhet të mbyllë protestën deri në orën 22:00.
Burime bëjnë me dije se protesta e opozitës do të jetë në formën e marshimit, në mënyrë që të shmangen provokimet e dhunshme në ambientet përpara kryeministrisë.
Partia Demokratike ka theksuar se protesta do të jetë paqësore, mbështetur dhe nga LSI dhe partitë e tjera të opozitës, ndërsa qytetarët janë ftuar të jenë të pranishëm së bashku me fëmijët e tyre të mitur.
