Një ngjarje e rëndë ka ndodhur mbrëmjen e sotme në Bulqizë, ku mbi Drejtorin e Policisë Pyjore të Bulqizës dhe 4 inspektorëve është qëlluar me kallashnikov.
Ngjarja ka ndodhur gjatë një fushate për prerjen e pyjeve në zonën e mbrojtur të Ternovës.
Bashkë me drejtorin Anduel Xhalia, janë sulmuar me armë edhe 4 inspektorë të Policisë pyjore. Fatmirësisht nuk ka asnjë të lënduar.
Për ngjarjen në fjalë është njoftuar edhe policia e Bulqizës, ndërsa ende nuk ka asnjë informacion nga kjo e fundit mbi autorët e mundshëm.
