Policia italiane ka goditur një grup kriminal i trafikimit dhe shpërndarjes së drogërave të forta në provicën e Massa Carrara.
Katër persona janë arrestuar në flagrancë, mes të cilëve dy shtetas shqiptarë, ndërmjet moshës 35-50 vjeç duke iu sekuestruar dhe 4 kg kokaine dhe heroinë të pastër.
Sipas raportit nga mediat italiane, mësohet se të katër personat bashkëpunonin me njëri-tjetrin për shpërndarjen e drogës, të cilën e kishin fshehur në dyshekë dhe çanta pazari. Hetimet kishin nisur në muajin prill, ndërsa operacioni për arrestimin e personave të përfshirë në rrjetin e shpërndarjes së heroinës dhe kokainës është finalizuar këtë fundjavë.
Agjentët e policisë italiane ishin maskuar si çiklistë, duke ndjekur destinacionin e drogës. Katër trafikantët përdornin një shtëpi në Marina di Massa, të cilën e kishin kthyer si bazë të drogës. Aty, të arrestuarit, e ruanin kokainën dhe heroinën në vakum të fshehur nën dyshekë dhe çanta pazari, ndërsa shtëpia ishte nën ruajtje gjatë natës
