Një 20-vjeçar shqiptar ka ndërruar jetë në një aksident rrugor në Itali, raportuan këtë të shtunë mediat italiane.
Sipas një rindërtimi paraprak të ngjarjes, shqiptari, identiteti i të cilit nuk bëhet i ditur, ishte duke shkuar për në punë nën drejtimin e një automjeti tip “Renault Twingo”. Teksa përshkonte rrugën që lidh komunat “Acquaviva delle Fonti” e “Sannicandro di Bari”, mjeti që drejtonte u përplasur me një tjetër automjet tip “Audi”.
Impakti rezultoi fatal për të riun shqiptar, i cili ndërroi jetë.
Ndërkohë, shoferi i mjetit tjetër të përfshirë në aksident, një italian, u dërgua në spital për ndihmë mjekësore, por raportohet se ndodhet jashtë rrezikut për jetën.
Shkau i aksidentit dyshohet një pozicionim jo korrekt i shqiptarit me mjetin e tij në rrugë. Dyshohet se në rrugën me dy sense lëvizje, shqiptari ka kaluar mjetin në korsinë e ndaluar duket u përplasur me Audin që vinte nga sensi i kundërt. /BN/
