Melanie Müller, futbollistja e skuadrës së Lucern, ka reaguar në “Instagram” pas vdekjes tragjike të futbollistes Florijana Ismaili gjatë një zhytje në liqenin e Comos. 24-vjeçarja është e dashura e lojtares me origjinë shqiptare, duke postuar një mesazh prekës për të.
“Nuk mund të gjej fjalë që të përshkruajnë atë që unë ndjej dhe nuk mund të përshkruaj si ndihem pa ty, pa më të mirën time, pa gjysmën time, pa dashurinë time, pa gjithçka timen. Jo, jo, jo askush në këtë botë nuk mund të përshkruajë se sa shumë të dua. Më mungon shumë dhe më dhemb shumë zemra. Luvi. Faleminderit për çdo moment që kam jetuar me ty. Nuk do të të harroj kurrë. Të dua”, shkruan Melanie Muller në “Instagram”.
