Më shumë se 80 persona janë zhdukur pasi anija në të cilën lundronin u mbyt në ujërat e Mesdheut, jo shumë larg bregut të Zarzis, në Tunizi. Raportohet se viktimat janë emigrantë që tentonin të shkonin në Europë dhe ekziston frika se ata janë mbytur në ujërat e Mesdheut.
Organizata që menaxhon thirrjet telefonike për shërbimin e ndihmës në Mesdhe solli në Twitter dhe Facebook dëshminë e Chamseddine Marzoug, vullnetare e Gjysmëhënës së Kuqe Tuniziane.
“Vetëm pesë persona kanë mbijetuar, ndërsa më shumë se 80 janë të humbur”, tha Marzoug, e cili konfirmoi lajmin e agjencisë Ansa, duke shtuar se një gomone u fundoset në bregu libian. Sipas vullnetares, një nga pesë të mbijetuarit nga Bregu i Fildishtë, vdiq në spital.
Alarmi erdhi dje pasdite, pasi SOS i një barkë në vështirësi pranë bregut libian u kap nga autoritet. Pastaj kontaktet humbën. “Ne nuk kemi idenë se çfarë ka ndodhur me anijen dhe me njerëzit në bord. Shpresojmë se ka të mbijetuar”, tha ajo.
