O Astrit Patozi je i paligjshëm, kam një letër në çantë, që bo vaki me ta hap çantën, nuk e kam si puna e Spartak Brahos se ai është jurist, por po e hapa unë të tregoj se çfarë ke bërë atje në Fan të Mirditës.
Kështu u shpreh Kujtim Gjuzi, gjatë seancës së sotme parlamentare, ndërsa kërkoi ndryshimin e ndarjes së re territorial.
“Kemi 61 komitete ekzekutive, 60 të PS dhe një të një partie të paligjshme si ajo e Patozit. O Astrit je i paligjshëm”, tha Gjuzi.
Në vijim deputeti që shkaktoi humor në sallë, u hodh në çështjen e shkarkimit të Ilir Metës si President.
“Është i shkarkuar, shkoni në Gjykatën Kushtetuese dhe shikoni padinë që në 2017-ën.
Pse akoma mendoni ju që Presidenti është legjitim?
Unë jam nga ata që nuk e vras veten se po të vrasësh veten quhesh kriminel”, tha Gjuzi.
Ndërsa, Gramoz Ruçi duke iu drejtuar deputetit i tha “po çtë të themi ty o Kujtim, ti çohesh në Parlament të replikosh me Valterin dhe replikon me Astritin që nuk është fare këtu”.
Batutat
Halit Valteri: Mos na vret veten Kujtim Gjuzi, po e vrau veten si do ta bëjmë parlamentin?
Gramoz Ruçi: Kërkoj ti tërheësh të gjitha që the për të.
Kujtim Gjuzi: E para iher jam nga ata zotnit që nuk e vras mendjen, se të vrasësh vetën quhesh kriminel. Më korrigjoni zoti Ulsi Manja. Pse akoma mendon njeri këtu që presidenti është legjitim? Pse nuk e bëni reformën në drejtësi. Edhe ajo Bindja Demokratike. O Astrit Patozi je i paligjshëm. Një letër ta kam rujt, e kam në çantë. nuk është çantë njësoj si ajo e juristit Braho. Kujdes! Se me e pa atë letrën që ke shkrujt në Fan të Mirëditës… Të lutem mos lejo njerëzit të Ruçit që të bëjnë thirrje për vetëvrasje këtu.
Gramoz Ruçi: Po ç’të të themi ty o Kujtim, ti çohesh në Parlament të replikosh me Valterin dhe replikon me Astritin që nuk është fare këtu.
