Avni Rustemi po rrotullohet në varr atje ku është sepse poi a shpërdorojnë emrin njerëz që s’kanë asnjë lidhje me të.
Kështu u shpreh Taulant Balla, kryetar i Grupit Parlamentar të PS-së, sipas të cilit përpjekja që po bëhet ka për qëllim të pengojë me disa ditë apo me disa javë të një ligji shumë të rëndësishëm, pjesë e paketës së reformës në drejtësi.
“Duhet t’ia bëjmë të qartë Ilir Metës që ne jemi autoriteti më i lartë në Shqipëri dhe kush pengon reformën në drejtësi do të marrë përgjigjen që meriton.
Ajo zyrë duhet liruar urgjentisht për të rivendosur autoritetin e Presidentit të Republikës në një figurë që duhet të bashkojë Shqipërinë dhe jo për t’a kthyer në një seli”, tha Balla.
Ai tha se 30 qershori ishte një festë e demokracisë, ku e drejta u garantua.
“Duhet t’a lexojmë mirë 30 qershorin dhe duhet t’i shprehim një falenderim veçanërisht SHBA dhe ambasadës së saj në Tiranë, që bëri gjithçka mundi për të na mbështetur për të vijuar kursin progresist të Shqipërisë”, tha Balla.
