Në seancën e sotme plenare do të diskutohet për shkarkimin e Presidentit Ilir Meta. Damian Gjiknuri ka sulmuar ashpër opozitën e re, teksa na ka zbuluar edhe një ambicie të re që ai ka.
Gjiknuri u shpreh se vetë ofrohet si president për të zgjidhur krizën.
Fjala e Damian Gjiknurit:
Zoti kryetar nuk e kisha ndërmend të flisja, por me që mu përmend emri. Siduket çdo opozitë për tu bërë e rëndësishme do ndonjë armik ose qëllim.
Ata jashtë parlamenti kishin Rama Ik, këta këtu na paskan dalë me Damiani IK. Harrojnë që në pushtet nuk të sjell as sistemi asgjë tjetër, as ligjërimi këtu në mikrofon që të duket vetja sikur thua gjëra të mënçura, po të sjell vota.
Nëse PD vjen në komision të reformës zgjedhore ne kemi thënë që dialogu nuk bëhet fjalë vetëm për ju, dialogu është edhe për opozitën jashtë parlamentare. Aty të rrini si çeçot se do jetë ajo, kur të vijë ata patjetër, nga Rama Ik në Damiani Ik, unë ofrohem si presidenti për vetë zgjidhje.
