Durrësi është një tjetër skandal në votimet e 30 qershorit. Referuar shifrave zyrtare të KQZ-së në Bashkinë e Durrësit kanë marrë pjesë në votime 35062 qytetarë.
Por referuar po shifrave zyrtare të KQZ-së, kur kanë mbetur edhe 25 kuti për t’u numëruar, rezulton se numri i votave të gjendura në kuti janë 36447, pra 1385 vota më shumë se numri i atyre që kanë votuar.
Këtu nuk përfshihen votat që ndodhen në 25 kutitë që janë në proces, pasi diferenca është edhe më e madhe.
Pra edhe në një nga bashkitë më të mëdha në vend, sikundër është ajo e Durrësit, ka ndodhur i njëjti fenomen, mbushja e kutive të votimit.
Durrësi është një nga qytetet ku pati manipulime votash edhe në 2017, çka vërtetohet nga përgjimet e publikuara nga Bild, si pjesë e dosjes 339.
