Bindja Demokratike e drejtuar nga Astrit Patozi ishte një nga partitë që mori pjesë në votimet e 30 qershorit, duke kandiduar edhe me këshilltarë bashkiakë dhe kandidatë për kryebashkiakë.
E ndërsa në pjesën më të madhe të bashkive, kandidatët e Patozit janë renditur të tretët, duke marrë më pak vota se edhe numri i atyre të pavlefshme, në një fshat të Bashkisë së Libohovës, ajo ka marrë më shumë vota se Rilindja.
Në Suhë kjo parti ka marrë 43 vota, ndërsa PS vetëm 36 vota. Në Këshillin Bashkiak të Libohovës kjo parti do të përfaqësohet me një këshilltar.
Në listën e kandidatëve për këshilltarë, Bindja Demokratike kishte në garë 9 emra në Libohovë.
