Kreu i Lëvizjes Socialiste për Integrim, Monika Kryemadhi ka reaguar përmes një postimi në Facebook pas përfundimit të procesit të votimit për zgjedhjet vendore, duke e konsideruar ditën e sotme si “fitore për demokracinë shqiptare”.
“85% e shqiptarëve refuzuan sot votimet moniste të Edi Ramës. Refuzuan premtimet boshe. Refuzuan Ramën. Kjo e sotmja është një fitore për demokracinë shqiptare! Pjesëmarrja ekstremisht e ulët është një fitore për popullin shqiptar e demokracinë në Shqipëri si dhe një goditje kundër diktaturës së Ramës. Shqipëria është shtëpia e shqiptarëve”, shkruan Kryemadhi në rrjetin social.
“P.S: Sado që ti mbushësh kutitë, shqiptarët të refuzuan. Bye bye Edi”, shtoi Krymadhi në postimin e saj.