Prokurorja e Përgjithshme e Përkohshme, Arta Marku, ka bojkotuar votimet e sotme. Mësohet se kryeprokurorja nuk është paraqitur në qendrën e votimit ku ka edhe emrin si votuese.
Marku është votuese në qendrën e votimit nr 306, e vendosur në shkollën e Gjuhëve të Huaja, në qytetin e Shkodrës.
Nga komisionerët e qendrës së votimit pohohet se kryeprokurorja nuk ka votuar, madje kjo pohohet edhe nga kryetari i kësaj qendre votimi.
Nuk dihet nëse Marku ka zgjedhur të bojkotojë votimet, apo ka preferuar të respektojë dekretin e Presidentit Ilir Meta që anullonte zgjedhjet vendore në këtë datë.
