Kryebashkiakja e Shkodrës, Voltana Ademi, ka denoncuar në rrjetet sociale atë që po ndodh në bashkinë më të madhe në veri të vendit me procesin e votimeve.
“Ora 18.55, pesë minuta para mbylljes së procesit të votimit në dy qendrat e votimeve nr. 0328/1 dhe nr. 0328, nuk ka asnjë person në rradhe për të votuar, perveç se komisionerëve të QV-së!”, shkruan Ademi.
Në një tjetër denoncim, Ademi shkruan “refuzimi i regjimit në Velipojë!”.
Ndërkohë në një tjetër denoncim, kryebashkiakja denoncon se në dy qendra votimi komisionerët po plotësojnë vetë fletët e votimit, duke marrë numrat e kartave të identitetit të qytetarëve përmes telefonit.
“Në Qv nr. 0216 Berdice e Mesme ka 2 orë që është mbyllur dera. Komisionerët janë brenda. Sipas informacioneve që kemi, po plotësojnë fletët e votimit duke përdorur numrat e kartave ID, që i marrin duke u telefonuar qytetarëve dhe duke ua kërkuar atë.
Në QV nr. 0216 në Bërdicë e Mesme, e mbyllur para 2 orëve, pjesëmarrja reale është më pak se 40 votues nga 939 të regjistruar në lista”, shkruan Ademi.