Pavarësisht se orari zyrtar i votimeve ka përfunduar në orën 19:00 Rilindja, vijon t’i mbajë qendrat e votimit hapur, edhe pse nuk ka asnjë person në radhë për të votuar.
Bojkoti total i qytetarëve shqiptarë për zgjedhjet moniste të Rilindjes, ka shkaktuar trauma të rënda psikologjike tek rilindasit e Ramës, të cilët tani kanë vendosur që jo vetëm të mos njohin më ligjin dhe Kushtetutën por as kodin zgjedhor, duke shtyrë pa limit votimet, deri sa të arrihet plani.
Në redaksinë e Boldnews.al, kanë mbërritur dy foto të shkrepura në orën 19:18, pra 18 minuta pas orarit zyrtar, dhe siç shihet qendra e votimeve në shkollën ‘At Zef Pëllumbi’, vijon të mbetet e hapur. Ndërkohë qytetari rrëfen se gjatë kohës që ka qenë duke bërë foto, ka rënë pre e kërcënimeve dhe shantazheve të rojës së Rilindjes, i cili është aty për të realizuar planin, për të mbushur kutitë që të arrihen numri i votuesve. /Boldnews.al
Ja fotot:
