Ministrja e Arsimit, Sportit dhe Rinisë (MASR) Besa Shahini ka votuar sot pranë qendrës së votimit në shkollën 9-vjeçare “At Zef Pllumi” në Tiranë.
Shahini shoqërohej edhe nga bashkëshorti i saj Dardan Molliqaj, të cilët janë edhe votues për herë të parë në Shqipëri.
“Sivjet, zgjedhjet janë me rëndësi më të madhe se zakonisht, duke marrë parasysh edhe situatën e krijuar nga opozita e vetëpërjashtuar dhe vendimet jo-legjitime të presidentit që u munduan ta dëmtojnë këtë institucion kyç të demokracisë.
Sot votova në mbrojtje të këtij institucioni, në mbrojtje të demokracisë dhe për Shqipërinë në Bashkimin Europian”, u shpreh ministrja Shahini pas votimit.
Ndërkohë, që në asnjë moment nuk ka dhënë asnjë shpjegim lidhur me krimin monstruoz që i bëri arsimit të lartë dhe maturantëve së bashku me kryeministrin Rama duke manipuluar deri në detaj situatën e arsimit pas protestës së dhjetorit.
