Gazetari, Enver Doçi, u dhunua mbrëmjen e sotme nga policia dhe forcat RENEA ndërsa ishte në krye të detyrës.
Gazetari ka përfunduar në spitalin e Peshkopisë, pas goditjeve që i ka dhënë policia me qytën e pistoletës ndërsa ishte duke filmuar arrestimin e disa personave të pafajshëm.
”Dola për të pirë një kafe në qendër të qyteti. Po filmoja aksionin e FNSH, policia më theu telefonin. Efektivi më shtyu, jam i shtruar në spital. Doktorët më thanë që duhet të qëndrojë 4 ditë në spital. Kam marrë dëmtime në këmbë, s’e mbaj mend çfarë ndodhi. Telefonin ma kthyen sërish, falenderoj drejorin e policisë”, deklaroi Doçi.
Ndërkohë që policia në reagimin e saj ka theksuar se polici vetëm e ka shtyrë gazetarin dhe nuk e ka goditur.
Në kushtet e këtij aksioni të zhvilluar në një situatë të tensionuar, një punonjës i Forcave të Ndërhyrjes së Shpejtë është treguar i pakujdesshëm duke shtyrë një gazetar teksa po filmonte me celular operacionin. Policia e Shtetit shpreh keqardhje për këtë incident duke i kërkuar ndjesë gazetarit’, thuhet në njoftimin e Policisë.
