Thyhet urdhri i kryebashkiakes së Shkodës, Voltana Ademi, lidhur me bllokimin e shkollave për zgjedhjet.
Në qytetin verior ka nisur hapja e shkollave.
E para që ka hapur dyert ka qenë shkolla profesionale pyjore “Kolë Margjini” në të cilën janë futur materialet zgjedhore për ditën e nesërme, ku edhe do të votohet.
Momentet kur nis shperndarja e materialeve zgjedhore ne Shkoder nga shkolla “Arben Broci” ku ndodhen te gjitha drejt qendrave te votimit
Aktualisht në Shkodër vijojnë të jenë të kyçura me zinxhirë shumica e institucioneve nën varësinë e Bashkisë, e cila më herët ka deklaruar se nuk do të ofrojë asnjë ambient për procesin që e cilëson të paligjshëm pas dekretit të presidentit.
Qeveria ka vendosur të shkojë në votimet e 30 qershorit pa kundërshtarë në shumicën e bashkive, pavarësisht dekretit të Presidentit Ilir Meta që e caktoi për në 13 tetor datën e zgjedhje. Ndërkohë, bashkitë e drejtuara nga opozita këmbëngulin në zbatimin e dekretit të kreut të shtetit.
