Zv.ministri i Brendshëm, Julian Hodaj, dhe juristi Jordan Daci janë përplasur mbrëmjen e djeshme në emisionin “Open”, ndërsa po diskutohej mbi vendimin e qeverisë për shkarkimin e Zef Hilës si kryebashkiak i Vaut të Dejës.
Ndërsa Hodaj po shpjegonte procedurën, avokati Daci ndërhyri duke i thënë “me këto shpjegimet tuaja qeshin edhe fëmijët, na bëni si konstitucionalist tani”.
“Çfarë po flet ti mo?”, ka qenë e menjëhershme ndërhyrja e Hodajt.
“Vendimi për shkarkimin e tij s’ka asnjë lloj vlere pasi kur ngrihet Gjykata Kushtetuese, ajo mbetet një copë letre pa vlerë.
Ashtu siç bënë edhe me Presidentin këta, se thonë që ka bërë shkelje të Kushtetutës dhe i referohen ligjit të procedurës administrative”, tha avokati.
