Pas lirimit të 13 protestuesve të opozitës, një muaj pas arrestimit të tyre nga policia dhe caktimit të arrestit me burg nga gjykata, ka reaguar edhe nënkryetari i Partisë Demokratike, Edi Paloka.
Sipas tij vendimi lirimit tregon një tjetër provë se prokuroria është e kapur.
Po kështu Paloka shprehet se qeveria ushtroi dhunë ndaj qytetarëve të pafajshëm dhe ata u burgosën vetëm se ishin kundërshtarë të tij.
Deklarata e plotë
Lirohen te pafajshem pas nje muaji ne birucat e Rames !
Një tjetër provë e kapjes se prokurorise dhe dhunës shtetërore ndaj qytetarëve të pafajshëm, vetëm se janë kundërshtarë politik të Edi Ramës!
Pas 1 muaj burg, sot Gjykata la të lirë edhe 13 qytetarët e pafajshëm që me urdhër të Edi Ramës u mbajtën në burg, pa asnjë provë e fakt, për pjesëmarrjen në protestën e 11 Majt!
Pasi i kishte lënë 1 muaj kohë që të sillte prova për 13 qytetarët e arrestuar nga Policia politike e Edi Ramës, prokuroria sot u dorëzua dhe pranoi përpara gjykatës se ata ishin mbajtur në burg pa asnjë provë!
Rifitimi i lirise sot eshte deshmi se ata u mbajten ne qeli si te burgosur politik.
Edi Rama dhe sherbetoret e tij në Polici, Prokurori dhe Gjykatë te jene te bindur se me shpejte se sa vone ,do të pergjigjen nje me nje për reprezaljen politike ndaj qytetarëve ”faji” i vetem i te cileve eshte te qenit kundërshtarë politik.
