Një aksident me pasojë plagosjen e një 20 vjeçari ndodhi në fshatin Allkaj të Lushnjës, rreth orës 18: 30 minuta.
Burime nga vendi i aksidentit thanë për Bold News se 20 vjeçari, Vildi Deneku, ishte duke udhëtuar me motorçikletë në momentin kur është përplasur nga makina tip Ford.
Sipas të dhënave të para, i plagosuri ka marrë dëmtime të rënda në kokë dhe në këmbë.
Dëshmitarët thanë se i plagosuri qëndroi në rrugë i shtrirë rreth një orë në pritje të ambulancës, e cila ndonëse është lajmëruar ka mbërritur me vonesë.
Policia e cila mbërriti në vendin e ngjarjes bëri shoqërimin e drejtuesit të mjetit dhe po punon për zbardhjen e plotë të saj.
