Ish-ministri i Financave, Arben Ahmetaj njihet për sharmin dhe gjuhën e ngrohtë që përdor me gratë. Eleganca dhe stili i tij, duket se ka bërë për vete edhe gratë e Lëvizjes Socialiste për Integrim.
Kështu sot, Ahmetaj ka njoftuar se ka arritur që të bashkojë në PS, kryetaren e Forumit të gruas në LSI për Kavajën, Zanën.
“Photo of the day Kjo është Zana, kryetarja e forumit të gruas LSI, që tashmë i është bashkuar Partisë Socialiste dhe të dielën në #30qershor voton PS dhe Redjan Kralin për Bashkinë e re të Kavajës. #unëvotoj #votoPS #PS30“, shkruan Ahmetaj.
Por duket se festa nuk i ka zgjatur shumë. Pak pasi Ahmetaj ka bërë postim, ka ardhur një reagim nga Endrit Brahimllari, ish-deputet i LSI.
Ai ka përgënjeshtruar foton e shpërndarë nga Ahmetaj, dhe thotë se gruaja në fjalë nuk është pjesë e strukturave të LSI.
“Arben Ahmetaj gjithe jeta te shkoi duke mashtruar shqiptaret, PS dhe Familjen. Gruaja ne fjale nuk ka lidhje me LSI”, shprehet Braimllari.