Kryeministri Edi Rama ka reaguar pas deklaratave të kryetarit të PD-së Lulzim Basha nga selia.
Basha e quajti të jashtëligjshëm vendimin e këshillit të ministrave që shkarkoi këtë të premte kryebashkiakun e Vaut të Dejës pas trazirave në KZAZ në Bushat dhe akuzoi Ramën dhe Tom Doshin se fshihen pas inskenimit të trazirave.
Ndërkohë, Rama në një postim në Twitter shprehet: “Artist, dil jepi xhevap Zef Hilës që tha shkollën e dogje ti me atë fotokopjen e shëmtuar të enveristëve më kokëboshë të 91shit, Aleanca e Demokratëve a si e quan ti! Dil Artist, se është koha të marrësh përgjegjësi për dyfytyrësinë e javës së fundit, hidh gurin e fshih dorën”.
