Paratë që transferohen jashtë me avion merren në dorëzim nga punonjësit e sigurisë së Aeroportit, të shoqëruar nga agjenti doganor.
Kështu ka ndodhur edhe dy ditë më parë. Pas plotësimit të deklaratës në Kargo, dy automjetet e
blinduara të policisë private që kishin transportuar deri në Rinas paratë e dy bankave, janë afruar tek porta e hekurt me shinë, që ndodhet pranë Aviacionit Civil e Kargos, që janë brenda pistës.
Burimet sqarojnë se këto automjete nuk lejohen të futen brenda pistës dhe paratë ua dorëzojnë
punonjësve të sigurisë dhe transporti nga porta e hekurt deri tek avioni kryhet ne makinat e kompanisë
ICTS.
Paratë u janë dhënë në dorëzim agjentëve doganorë nga përfaqësuesit e dy bankave dhe pasi janë
ngarkuar në makinën e sigurisë, policët privat janë larguar nga porta.
Burimet sqarojnë se në momentin që ka ndodhur grabitja, të pranishëm kanë qenë vetëm punonjësit e
sigurisë së Aeroportit dhe agjentët doganorë.
Ndërsa grabitja është kryer para se automjeti i sigurisë t’i afrohej avionit që do të nisej për fluturim.
