Kryeministri Edi Rama ka dhënë një mesazh kërcënuar përmes një postimi në Twitter.
“Çdo kryebashkiak që merret me brava shkollash të caktuara si qendra votimi, në përpjekjen harbute dhe qesharake, për të penguar zgjedhjet me dyer të mbyllura me çelësa marrëzie, bën mirë të lexojë Kodin Penal për krimet zgjedhore e të heqë dorë sa pa rënë në dorën e drejtësisë”, paraljmëron Rama kryetarët e bashkive të opozitës.
“Askush tjetër përveç katër të marrëve që i udhëheqin, s’u ka faj kryebashkiakëve të opozitës për largimin nga gara zgjedhore, ndaj ata le të merren me hapjen e dyerve të partive përkatëse, jo të marrin në qafë veten e punonjësit e tyre, duke u kthyer në të pandehur për dyert e QV”, shton.
Mesazhi vjen në një kohë kur Rama këmbëngul për të zhvilluar zgjedhje më 30 qershor, edhe pse kjo datë është anuluar me dekreti të Presidentit Ilir Meta dhe zgjedhjet janë shtyrë për në 13 tetor.
Sot, ministri i Brendshëm Lleshaj njoftoi shkarkimin nga detyra të kryebashkiakut të Vaut të Dejës pas trazirave në KZAZ në Bushat, mbrëmjen e djeshme.
