Partizani godet në fund, akord me dy qendërsulmues, arrihet akordi me Ekuban

Sulmi, bomberi, “pyka”, pika refer uese, pasuesi i Kaleb Ekubanit, etj. Këto janë termat më të lakuar në merkatot e 2-3 sezoneve të fundit te Partizani. Materializimi i këtyre termave ka qenë prioriteti i merkatos së “demave” edhe këtë verë para Kupave të Europës.

Me shumë mundësi, drejtuesit e Partizanit janë pranë zgjidhjes së problemit të vjetër. “Panorama Sport” ka mësuar nga burime pranë bordit që po merret me merkaton se Partizani ka gjetur akordin me dy qendërsulmues. Njëri prej tyre, vëllai i Kaleb Ekubanit, Jozefi, që është lakuar me kohë, ndërsa tjetri ka dalë vetëm dje në skenë, Theofilus Solomon.

JOZEF EKUBAN

Gazeta ka mësuar dje se Partizani e ka gjetur akordin me Ekubanin, por jo Kalebin, i cili para pak sezonesh ishte nga sulmuesit më të mirë në Superiore. Bëhet fjalë për vëllain e tij, Jozefin, i cili luan si qendërsulmues. 19- vjeçari është në pronësi të Veronës dhe në sezonin e kaluar ishte i huazuar te Mantova në Serinë D. “Panorama Sport” ka mësuar se është gjetur gjuha e përbashkët mes drejtuesve të kuq dhe italianëve të Veronës për huazimin njëvjeçar të sulmuesit. Rol në këtë finalizim ka ish-drejtori i Partizanit, Dritan Dervishi, i cili punon për klubin italian të Veronës, që ka në pronësi 19-vjeçarin. Ekuban do të bashkohet me ekipin më 1 korrik dhe do të jetë në formë huazimi te Partizani, siç ishte edhe vëllai i tij para 3 viteve.

SOLOMON

Nëse Jozef Ekubani shikohet si “bast”, mësohet se Partizani ka gjetur akordin me një tjetër qendërsulmues, i cili është 23-vjeç dhe ka një karrierë të pasur.