Gjermania dhe Spanja do të jetë dy skuadrat që do të diskutojnë triumfin në Kampionatin Europian të U21-shit, pasi ia dolën të kalojnë në fazën finale të këtij kompeticioni.
Në “Dall’Ara” të Bolognës, gjermanët mposhtën me rezultatin 4-2 Rumaninë, ndonëse ballkanasit arritën ta mbyllin pjesën e parë në avantazhin 1-2, falë dopietës së George Puscas.
Nga ana tjetër, për gjermanët shënuan dy herë mesfushori i Hoffenhaimit Nadiem Amiri dhe dy herë të tjera sulmuesi i Freiburgut Gian-Luca Waldschmidt, të cilën çuan “panzerat” në finale.
Në sfidën tjetër gjysmëfinale, Spanja mposhti bindshëm me rezultatin 4-1 Francën, që kaloi e para në avantazh me anë të Mateta-s, por nuk e përballoi “furinë” e iberikëve në minutat në vijim.
Fillimisht Roca riktheu baraspeshën, ndërsa më pas ndërsa më pas Oyarzabal, Olmo dhe Mayoral gjetën golin, duke vulosur suksesin e iberikëve. Finalja Gjermani-Spanjë do të luhet në Friuli, mbrëmjen e 30 qershorit.
