Analisti dhe gazetari Andi Bejtja ka bërë një deklaratë të fortë ndërsa ishte i ftuar në emisionin ’Opinion’.
Ai tha se Baton Haxhiu, duhet shpallur nongrata në Shqipëri për shkak të atyre që thotë.
“Batoni e shpjegoi padashje pak atë se çfarë mendon Edi Rama. E di si tha, ata që janë kapur në përgjime janë më të mirë se këta që protestojnë. E kuptoni apo jo çfarë thotë, ky duhet shpallur nongrata”, deklaroi Bejtja.
Baton Haxhiu: Se kam ndërmend me polemizu me ty? S’ka fushatë që s’kam marrë pjesë në mënyrë direkt apo indirekt. Vazhdimësia e vjedhjeve të votave janë të gjithë këtyre njerëzve që janë në pushtet, nga presidenti te kryetarët e partive.
Andi Bejtja: Ku e di ti?
Baton Haxhiu: E kam një ndershmëri që s’flas kur e di.
Andi Bejtja: Pse se ke denoncuar kur e di?
Baton Haxhiu: Ata kriminelë që kanë fol që kanë qenë në përgjime janë kriminelë, po s’mund të amnistosh këto që janë me kollare… Ata janë kriminelë nëse institucionet e drejtësisë s’merren me këta është çështje e shtetit.
