Biznesmeni Gjergj Luca, themeluesi i kompanisë së peshkur Rozafa në Labinot, Elbasan, i cili njihet dhe për raportet shumë të mira që ka me kryeministrin Rama, ditën e djeshme ka detyruar punonjëset e kompanisë së tij për të shkuar në mitingun elektoral që zhvilloi ditën e djeshme Rama në Elbasan.
Ky rast ka ardhur përmes një denoncimi në faqen Lolita në rrjetet sociale ku e ka faktuar dhe me foto. Në zonën e Elbasanit, sipërmarrësi Gjergj Luca njihet për mbështetjen që ka nga ana e qeverisë së rilindjes.
“Kanë ardhur disa mesazhe edhe nga gratë që punojnë te fabrika e peshkut, të cilat kanë qenë të detyruara të shkojnë te ky mitingu në Elbasan. Mirë që i shfrytëzojnë me orë të tëra në punë dhe i paguajnë me rroga qesharake….por tani i kërcënojnë edhe me bukën e gojës që të mbushin sheshet ku shkon Edi Rama. Gjergj Luca u bëfsh llucë! 😤” -shkruan denoncuesja.
Ndërkohë që një komentues ka shkruar se Gjergj Luca i kishte kërcënuar se nuk do merrnin rrogën e 15 ditëshit nëse nuk merrnin pjesë në mitingun e Ramës.
