Ditët e fundit, ka pasur mjaft ankesa nga ana e prindërve, por edhe vetë maturantët, në lidhje me vonesat në përgjigjet e provimeve të Maturës Shtetërore.
Një ditë më parë, ministrja e Arsimit tentoi të justifikohej se faji ishte i sistemit, pra se kishte rënë sisitemi, por gjithçka rezultoi një mashtrim i Shahinit, pasi burime për CNA.alkonfirmuan se ishte vetë ajo që kishte urdhëruar publikimin me vonesë të notave të Letërsisë.
Por, ndërkohë mësohet se Ministrja e Arsimit, është përfshirë në një tjetër skandal, sa i takim Maturës Shtetërore.
Burimet bëjnë të ditur se numri i maturantëve që kanë marrë notën 10, ka qënë mjaft i vogël.
Për shembull, në shkollën Ismail Qemali, vetëm pesë nxënës kanë marrë notën 10. Në shkollën Qemal Stafa, vetëm 2 nxënës. Tek Petro Nini 9 nxënës, tek Faik Konica asnjë nxënës nuk është vlerësuar me notën 10. Tek New York vetëm një nxënës, ndërsa tek Sami Frashëri 5 nxënës.
Po ashtu mësohet se rreth 1868 nxënës kanë rezultuar ngelësa.
Gjithë nxënësit e dhjetës janë vlerësuar me notë 8, gjë që shpjegohet me pyetjet jashtë programit, gjithsej tre të tilla.
Pra, këta 22 që kanë marrë notën 10, dukshëm kanë ditur paraprakisht tezën.
Për më tepër, 1868 ngelësa janë një motiv i mjaftueshëm që ministrja Shahini, të largohet.
Edhe nëse është gjithçka siç duket, ky është dështimi i arsimit të mesëm të Ramës. Se këta maturantë janë programi i Ramës.
Ky staf mësuesish janë ata të trajnuarit dhe të përzgjedhurit nga konkurset e Ramës, ndërsa ministrja e tij e Arsimit, që nuk ka marrë asnjë notë vlerësimi në Gjuhën Shqipe, ka masakruar Maturën Shtetërore.
Por, bëmat e ministres së Ramës nuk kanë të sosur, përtej kësaj mësohet se edhe korrigjimi i testeve ka qënë skandaloz, ku mësues që kanë mbaruar me 5, korrigjojnë studentët ekselentë. Kjo tregon veçse tallje me maturantët dhe papërgjegjshmëri, nga Besa Shahini, e cila sapo dha provën e parë të dështimit.