Kryeministri Edi Rama, ndërsa ka refuzuar takimin me Presidentin Ilir Meta, me argumentin se është i zënë në fushatë, ka reaguar lidhur me situatën që po ndodh, duke vënë theksin në lojën e kreut të PD-së, Lulzim Basha, dhe Kreut të Shtetit, Ilir Meta.
Pasi zgjodhi të kalojë mëngjesin në një palestër pranë Presidencës, Rama ka nisur takimet në njësinë nr 4 në Tiranë, ku ka preferuar të qëndrojë me sadri Abazin, Erjon Veliajn, Blerina Gjylametin dhe disa qytetarë, që dëgjonin monologun e kryeministrit.
“Sot kanë përgjigjen e saktë edhe nga Kolegji Zgjedhor. Meta ka marrë drejtimin e opozitës, Këta u çmendën por u çmendën të gjithë njëherë. Dështon Luli dhe ndërhyn Iliri”, tha Rama, duke iu referuar takimit në Presidencë mes Metës dhe Bashës.
Rama ka vazhduar me thumbimet ndaj Metës duke u shprehur “erdhi dita që Bujar Nishani të duket si Xhefersoni”.