Nga dy paraburgimet, 313 dhe 302, janë depozituar në Gjykatën e Tiranës 34 kërkesa për leje votimi nga personat që ndodhen në masën e sigurisë arrest me burg.
Gjykata ka shqyrtuar vetëm 1 kërkesë, e cila është rrëzuar.
Ndërkohë në shqyrtimin e kërkesave janë angazhuar të gjithë gjyqtarët e dhomës civile.
Kërkesat për leje votimi bëhen në rastet kur personi nuk ka emrin në listat e zgjedhësve, apo kur emri i tij ndodhet në listë, e cila nuk përputhet me vendin ku ndodhet, si në rastin e të paraburgosurve, që për të ushtruar të drejtën e votës, duhet të transferojnë emrin në listat e zgjedhësve të institucioneve ku vuajnë dënimin.
