A do të ketë përplasje më 30 qershor? Me këtë argument Presidenti Ilir Meta anuloi zgjedhjet e 30 qershorit. Nga opozita është artikuluar se është pikërisht Rama ai që po planifikon të çojë shqiptarët në përplasje civile.
Po Rama? Sot nga Tropoja, shefi i qeverisë pranoi se mund të ketë përplasje, edhe pse sipas tij, mund të jenë raste sporadike.
“S’do ndodhi asgjë më zgjedhje, mund të ketë fenomene sporadike këtu a ty, se tashti budallenj që shkojnë të bëjnë burg për Lulin e për fallxhoren, ça të them unë? Të shkosh në burg, ngelën burgjeve, ccdo ditë shkojnë nëpër burgje dhe këta vazhdojnë. Këta shkojnë në shtëpi. Ishte njëri nga këta që i kishte çu me diegë shkollën në Shkodër. Kur shkoi atje tha, ‘jo unë vajta ti qetësoj’. Ky i mori i çoi atje. I la në burg ata edhe u qetësu vetë në shtëpi. Këta janë këta. Megjithatë kushdo që sot ë shkojë mbas tyre ta di që do ketë vetëm vetëm përballje me ligjin”, tha Rama, i cili u prit me protesta sot në Kukës.
