Analistin i majtë Mustafa Nano jemi mësuar që ta shohim në debate me politikanë në studio televizive, por këtë herë ai ka replikaur me Erion Braçen në Instagram.
Ka qenë një postim i zv. kryeministrit sot në mëngjes që ka ngacmuar Nanon, i cili e ka kritikuar. Nano në komentin e tij shkruan se gjuha e përdorur nga Braçe është shumë e rëndë dhe e papranueshme dhe ai nuk është askush që të kërcënojë njerëzit.
Mustafa Nano: Zoti zv. Kryeminister, gjuha qe ju perdorni eshte teper e rende dhe e papranueshme. Kush jeni ju te thoni qe njerezit do i presi izolimi i perjetshem? Pse perpiqeni te frikesoni njerezit me genjeshtra te tilla? Ku bazohet ky motiv izolimi kur neni 38 i Kushtetutes shprehet qarte qe askush smund te pengohet te dale lirisht jashte shteti? Nuk ju takon juve te vendosni apo te paracaktoni denimin e njerezve apo te beni Kasandren neper rrjete sociale duke parashikuar te ardhmen”, shkruan Nano në koment.
